L'UOMINU RUSSU
Caru letture,
tuornu a stampare
'sta 'mpipatella
vecchia rumanza,
cà nun me pòdi
cchiù qualerare
nè ddon
Chisciottu, nè Sanciu Panza.
La Comitiva de
Gasparune
sprejiu, cchiù
lesta de lu zifune,
e llu gra' fuocu
ch'avìa 'mpizzatu
ccu' 'nu juijùne
foze stutatu!
* * *
Rote de fuocu l'uocchi sgargellati
e luonghi e niuri I capilli lanuti
had'illu, cumu chilli dei dannati;
Fussiru 'mberu janchi, ma tingiuti
si l'ha ccu' 'na pumata, e dd' 'u
muscune
sue li pili su tutti 'ncatramati;
Èdi d'atizza quantu Napuleune
ma cchiù valente assai pue ppe'
bravura ..
ca nun ce stadi nullu a paragune
ccu' ll'uomu russu de Dicollatura.
È ffigliu de Dio Marte e dde 'na
fata
ed è nat u 'ntra i faghi 'e
Riventinu
'stu cicropune, 'stu garibardinu
chi tutta la Calabria had'unurata;
De pìcciulu mustrava gran curaggiu
e jìadi sulu a caccia di li lupi
dintra li vùoschi, supra li
dirrùpi;
a dece anni struggìu llu
brigantaggiu.
Le sannu I viecchi de lu
Praticiellu
tutte le sue prudìzze de quatraru
ca si nde parri ccu' 'nu pecuraru
lestu lestu se caccia llu cappiellu
Cumu quandu ca tuni ventumatu
cce hai l'Uorcu, o l u magaru cchìu
putente,
pperchi, letturi mie', de ccà le
gente
bona e mala lu cridedi 'nfatatu.
'U nume sue vastava a 'mpagurare
'na comitiva sana de briganti
de chilli tiempi, e mo' li cchiù
sbafanti
ccu' 'na sula stussùta fa pisciare.
De dudici anni, appena illu sentiu
Parrare 'e Garibardi, se mbarcàu;
e ppe d'ogni cuntrada chi passàu
'nsinca li zampagliuni sbalordìu;
Ma pue la carità de chista terra
dduve alla luce l'uocchi illu
aperiu,
lu sue core 'e leune le pungiu
e ccà tornàu, stuffatu de la
guerra;
Avìa bisuognu de chist'aria fina,
de 'st'acqua frisca ppe' ll'a
diarrea...
avìa bisuognu de 'na Durcinea,
e subitu spusàu donna Vaccina.
Già ppe' cuntare tutt' 'a groliusa
sua storia chi mo' affrigge e mo'
cunsùla,
cce vòrradi la pinna de Padula
e lla sua fantasia meravigliusa;
Cà Cicciu Stuoccu nun
valìa 'nu sordu,
e Nicotera nente 'n facce ad illu
e Ferdinante Biancu 'nu rijillu
eradi, 'm paragune 'e ddo' Lipordu
.
De la Francia, li miegliu
Muschettieri
illu si l'attaccassi alli stivali,
e dde l'Italia tutti i Generali
nun su buoni a lle fare de
stallieri.
Cumu rumanza se puotu cuntare
le sue patùte e nun basta 'na
notte;
e tutt' 'e valentìe de ddon
Chisciotte
ccu' lle sue, nun ce puotu mai
appattare.
Ppe' lli strapazzi 'n guerra e mo'
'mbecchiatu,
camìna coscinùtu ed ja Ila lussa;
ma 'ncore porta Ila cammìsa russa
ccu' tuttu ch'èdi viecchiu e
sguaJlaratu;
E va superbu assai de la curuna,
chi lu Cuvernu l'hadi regalatu
cà le spettava, e mo' ch'è
'ncurunatu
nente pretende cchiù dde Ja fortuna
E 'mperò s'hadi fattu testamientu,
chi 'n secretu lu Luongu m'ha
lejutu,
e ddice: « Dòppu chi sugnu morutu,
sapiendu ca me fannu 'u monumientu,
« Lassu scrittu mu sia fattu de
gala
ed alli lati, supra 'e petre 'e
mmarmu,
vuogliu ad una la data d' 'u
Disciarmu,
e all'àutra scrittu: Asprumunte,
Marsala:
« A chill' 'avanti vuogliu 'u nume
puru
scrittu, e llu gradu de... tamburrinaru
ca supra 'u ponte de lu Quadararu
tante prudìzze fici... ccù llu
scuru.
« Arrìeti, viegnu a ddire mo' alla
quarta
petra, pittatu 'nu leune attientu,
chi pàrca aspetta llu
cumbattimientu,
aspetta ll'ura mu 'nu dragu
assarta.
" Pittatu 'e russu vuogliu lu
tavutu
de fore, e dd'intra 'e paparine
chinu;
ad ogni chiuovu 'nu russu lustrìnu
èdi mia vuluntà mu sia 'mpingiutu.
«'A banda 'ntinnerà l'innu de
Guerra
dintra le Casinove appriessu a mia,
cà sulu a 'stu paise io cce lucia
e sugnu statu 'a gròlia de 'sta
terra».
* * *
Chist'è llu cuntu, mio letture
caru,
de l'Uomo Russu, chi allu
Maciarrone
passàndi all'arte de tamburrinaru;
Capu-tamburru e spia sutta Borbone
'stu Cavalieri d' 'a trista figura,
- chi ppe' giganti pigliava Ile
cone -
Avìa coraggiu assai... ma d' 'a
pagura
a chill'accuntu 'un le trasia 'na
'nzita.
e ppe' chilli cacacchi ch'eppe
allura
se had'illu abbreviatu la sua vita.